fbpx
منوعات

انا زي والدتكم وكنت عايزة اشهدكم على حاجة وعايزاكم تردوا علي بما يرضي الله ورسوله

انا زي والدتكم وكنت عايزة اشهدكم على حاجة وعايزاكم تردوا علي بما يرضي الله ورسوله
دلوقتي ابني معقود قرانه على بنت بقالهم فترة ومن يوم عقد القران وهو عمال يقول مراتي وهي تقول جوزي وانا غلبت افهمهم انهم محرمين على بعض وحرام لعب العيال ده وبحس انها بجحة خصوصا ان عرفت انهم كانوا مرتبطين قبل الخطوبة

وكمان بعلم اهلها وحاسة اني ند٠٠مت على خطوبتهم وبقوله يفضها سيرة ويسيبها وربنا يكرمه بواحدة محترمة ومتربية وهو ر٠٠افض وهي عايزة يخرجوا ويروحوا وييجوا وانا مبقتش عارفة اودي وشي فين من الناس ده حتى لما بكون ماشية معاهم بتأنكچه وانا معاهم مش بتراعي اني ام وده ابني اكيد هغير عليه حاسة فعلا ان مبقاش ليا دور في حياته ده حتى يوم العفش مش عارفة انا هودي وشي من الناس فين

وهي بتقول مش هجيب طقم صيني كامل وقالت لابني متجبش نيش اكيد علشان متكلفش ابوها كتير ده غير ان ابوها كان عايز ابني بمضي على قائمة فاضية يوم عقد القران ولما انا اتدخلت منعته اصل بالعقل كدا احنا نعرفهم منين علشان اخلي ابني يمضيلهم انا مبيجليش نوم من التفكير والخو٠٠ف على ابني منها ده انا في لحظة غصبية مستحملتنيش لما بكلمها زي امها وبقولها احترمي نفسك ردت عليا وقالتلي انا محترمة وترضي ده على بنتك كأن انا مش زي امها قولولي اعمل ايه معاها ايه وابعدها عن ابني ازاي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!
إغلاق