فتاة تكتشف أعمال سحر على صورها

أثناء قيام بعض الشيوخ والشباب بتنظيف المقابر من أعمال السحر والشعوذة التي ملئت المقابر خلال السنوات الماضية وتعرض الكثيرين للأذى نتيجة هذه الأعمال الفااسقة تفاجئوا بوجود بعض الصور لبنات كثيرة مكتوب على هذه الصور رموز وعلامات غريبة وقاموا بنشر بعض منها على صفحات الفيس بوك حيث تفاجئت إحدى الفتيات بصورتها ضمن الصور المنشورة ومكتوب عليها طلاسم وتعويذات ورموز غريبة ولكنها علقت على الصور في منشور على صفحتها الشخصية.

 

 

وقالت: “أنا بخير، والله العظيم أنا بخير”.

وأضافت: “أنا آسفة جداً لكل الناس اللي قلقت عليا وشكراً جداً جداً لاهتمامكوا وسؤالكوا لكن أنا والله فعلاً تعبانة ومش قادرة أتكلم من الزعل ونفسيتي اللي بقت في الأرض بسبب كل اللي بيتقال دا مش هنكر إني اتصدمت واتخضيت على نفسي وبهدلت الدنيا أول ما شوفت صوري معمول فيها كدا لأني فعلاً الفترة دي الدنيا ملخبطة معايا شوية وصحتي مش أحسن حاجة في الدنيا لكن دا مش معناه اني حد عامل فيا كدا وإلا بقا لو كل واحد حصله مشكلة في حياته هنقول دا معموله عمل وابتديت استوعب انها اشتغاله لما اللي بعت أو اللي بعتت الكلام دا بعتته و اختفت تماماً !!”.

وأكملت: “أنا طول عمري لا بأذي حد ولا بعمل حاجة وحشة في حد فليه حد هيأذيني كدا ! ويعلم الله وكل الناس القريبين مني يعرفوا اني مبفوتش فرض وأن القرآن مبيتقفلش في بيتي أصلاً صبح وليل، فبالتالي صعب يحصلي حاجة زى دي والدي أخد الصور بعتها لأكتر من شخص بيفهموا في المواضيع دي عشان يطمن عليا وقالوله مفيش حاجه”.

وتابعت: “أنا مش فاهمة ليه يتعمل تمثيلية سخيفة زى دي تبوظ أعصابي وأعصاب الناس اللي حواليّا ومش فاهمة اللي عمل كدا استفاد إيه بس أنا مش مسامحاه في كل حرقة الدم و الأعصاب دي وكل الكلام اللي اتقال عني دا والتعب اللي تعبته اللي أنا مكنتش ناقصاه وربنا عليه خلاص الحقوق وأرجوكوا زى ما عملتوا شير للبوست الأولاني اعملوا شير لـ دا كمان عشان الناس اللي قلقت عليا تطمن والناس اللي اتكلمت واستغلت الموقف عشان تظهر تهدا، شكراً”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى